Чалавек з'яўляецца, першым  чынам, сынам сваёй краіны, сваёй Айчыны,  які горача  прымае да сэрца яе інтарэсы.

                                                                           В.Р. Бялінскі

   У апошнія гады ідзе пераасэнсаванне сутнасці патрыятычнага выхавання: ідэя выхавання патрыятызму і грамадзянскасці, набываючы ўсё большае грамадскае значэнне, становіцца задачай дзяржаўнай важнасці. Толькі на аснове пачуццяў патрыятызму і гонару за сваю нацыю, яе нацыянальныя каштоўнасці і святыні ўмацоўваецца любоў да Радзімы, з'яўляецца пачуццё адказнасці за яе магутнасць і незалежнасць, захаванне матэрыяльных і духоўных каштоўнасцей грамадства, развіваецца вартасць асобы.

     Радзіма, Айчына…У каранях гэтых слоў блізкія кожнаму вобразы: маці і бацька,   тыя, хто дае жыццё новаму чалавеку. Выхаванне пачуцця патрыятызму ў школьнікаў - працэс складаны і доўгі. Любоў да роднай краіны, роднага  краю адыгрывае велізарную ролю ў станаўленні асобы дзіцяці. Без любові да Радзімы немагчыма пабудаваць моцную Беларусь. Без павагі да ўласнай гісторыі, да спраў і традыцый старэйшага пакалення нельга выгадаваць годных грамадзян. Сапраўднымі патрыётамі і грамадзянамі не нараджаюцца, гэтыя якасці выхоўваюцца.

     Класная гадзіна “Я   грамадзянін сваей краіны!” (6 клас, выхавацель Бандарэнка С.Я.) дала магчымасць вучням яшчэ раз адчуць сябе часткай вялікай краіны. Дзеці замацавалі веды аб сваіх правах і абавязках, пазнаёміліся  з цудоўнымі мясцінамі роднай зямлі ў імправізаваным падарожжы “Сцежкамі роднай зямлі”, пазнаёміліся са зместам стэндаў аб Беларусі. 

     Цікавы і змясцоўны круглы стол  «Бларусь – гонар для нас» прайшоў на гэтым тыдні ў 5 класе (выхавацель Рыгаль К.А.). Дзеці абмяркоўвалі дасягненні беларускага народу ў розных галінах гаспадаркі, даведаліся аб людзях, якімі ганарыцца наша краіна, разгадвалі крыжаванкі па тэме, выказвалі свае думкі аб тым, як кожны плануе пабудаваць сваё жыцце, каб стаць карысным Радзіме.

     Вучні 4 і 5 класаў наведалі адміністрацыйны будынак ААТ “Аграфірма Малеч”, дзе размешчана выстава кубкаў і грамат,   якія былі заваяваны працаўнікамі гаспадаркі  за многія гады. Зацікавіліся  вучні і   цяпер ужо гістарычнымі фотаздымкамі спартыўных спаботніцтваў, якія прынеслі пераможцам узнагароды.

     Завяршыла тыдзень святочная канцэртная праграма “Мы дзеці твае, дарагая Беларусь!” (педагог-арганізатар Пукала А.П., музычны кіраўнік  Цюшкевіч Т. М.).Радасцю і гонарам былі напоўнены сэрцы не толькі артыстаў, але і ўсіх удзельнікаў свята. Песні  і вершы аб Радзіме   цеплынёй  запоўнілі  душу і заставілі адчуваць сябе вельмі шчаслівым чалавекам – ты жывеш у Беларусі!

     Трэба любіць Радзіму, як маці. Ведаць яе гісторыю, разумець яе   сэрцам, шанаваць усё, што побач з табою. Любіць Беларусь –  значыць любіць самога сябе, ведаць, што знайсці сябе, сваё шчасце можна толькі на сваёй Радзіме. “Дзе нарадзіўся – там і згадзіўся”.