Кожны беларус у сваім сэрцы носіць вялікую любоў, якая сагравае яго ўцяжкія гадзіны трывог і сумненняў, у шчаслівыя хвіліны вялікай чалавечай радасці. Гэта любоў да Радзімы! Вялікая, светлая і нязгасная.
Быць патрыётам сваей краіны трэба вучыцца змаля, трэба кожнаму діцяці зразумець тое, што толькі ў сваім краі ён можа быць карысным людзям, можа стаць сапраўдным чалавекам, можа ажыццявіць свае мары.
Тэматычны тыдзень “Наш край – наша гордасць” супаў з правядзеннем тыдня беларускай мовы ў школе-інтэрнаце, які пачаўся флэшмобам падчас школьнай лінейкі, у якім прымалі ўдзел дзяўчынкі старэйшых класаў.
На працягу тыдня ў класах прайшлі разнастайныя мерапрыемствы, дзе тэма патрыятызму, нацыянальнай самасвядомасці, любові да Радзімы, яе гісторыі, спадчыны гучала паўсюдна: інфармацыйная гадзіна “Адкуль пайшлі беларусы?”, гадзіны зносін “Зямля пад белымі крыламі”, “Знаёмства з народнымі традыцыямі”, класная гадзіна “Край ты мой, радзімы край”, музычная старонка “Праспявай пра Радзіму сваю”, гутаркі “Край мой – Белая Русь”, “Беларускае – лепшае!”
Паказаць свае веды, пазнаць глыбей таямніцы сваёй мовы дзеці маглі ў разнастайных конкурсах, якія праходзілі на працягу тыдня: конкурс юных філолагаў ”Беларускі правапіс: вывучаем разам”(8 “А” і 8 “Б” класы, настаўнік Крупская Л.В), конкурс “Хто самы уважлівы?”(7 “А”, 7 “Б”, настаўнік Крупская Л.В.), конкурс на лепшы сшытак па беларускай мове. Цікавыя віктарыны, пазнавальныя гульні і ўрокі захаплялі дзяцей разнастайнасцю тэм і ўсебаковасцю пытанняў: віктарына “Любі і знай свой край” (4 клас, настаўнік Бойла Т.П.), інтэлектуальна-пазнавальная гульня “Беларусь - мая маці і мова”( 6 “А” клас, настаўнік Хмялеўская Н.М.), літаратурная гульня “ Мы ўсё гэта ведаем …” (6 “Б” класс, настаўнік Рыжко Т.М.), урок матэматыкі “Умоўнае падарожжа па гарадах Беларусі” (4 клас, настаўнік Бойла Т.П.), чароўны ланцужок “Гукі мовы і літаратуры” (5 клас, настаўнік Рыжко Т.М.).
Вучням розных узрастовых груп былі прапанаваны крыжаванкі. Дзеці, якія выканалі заданні першымі, атрымалі сертыфікаты на выстаўленне выдатных адзнак па беларускай мове і літаратуры.
Трэцяга снежня ў школе прайшоў дзень беларускай кухні. Афармленне сталовай у беларускіх матывах унесла нацыянальны каларыт у школьнае жыццё. Смачныя беларускія стравы спадабаліся дзецям, яны выказалі жаданне , каб дні беларускай кухні паўтараліся часцей.
Запрашаем на бліны!
Беларускія яны,
Старажытныя бліны,
Шчэ бабулі іх пяклі.
Пульхныя, румяныя,
Смачныя, духмяныя.
А пяклі іх малайчынкі!
Тры прыгожыя дзяучынкі!
Цэлу ноч яны не спалі,
Рахтавалі, гатавалі.
А вечарам у гэты ж день вучняў чакаў яшчэ адзін сюрпрыз – выступленне народнага ансамбля народнай песні “Заранак” Бярозаўскага гарадскога Дома культуры. Беларуская песня падняла эмацыянальны настрой дзяцей і прысутных, узрадавала іх. І падзякай былі гарачыя апладысменты і традыцыйны хлеб-соль для дарагіх гасцей.
Бібліятэкар Юркевіч А.М. пазнаёміла вучняў з прэзентацыяй “З тысячы галасоў… вобраз свайго часу. С. Алексіевіч – лаўрэат Нобелеўскай прэміі па літаратуры” і арганізавала выставу кніг аб роднай мове, нашай краіне.
Экскурсія ў этнаграфічны музей школы-інтэрната “Мінулае і мы” (настаўнік Быцка С.Г.) дала магчымасць дзецям пазнаёміцца з бытам беларускага народа ў мінулым.
Завяршыла тыдзень беларускай мовы інтэлектуальна-пазнавальная гульня “Зямля мая завецца Беларуссю” (9 “А” і 9 “Б” класы, Крупская Л.В, Юркевіч А.М., Цюшкевіч Т.М.). Вучні дзвюх каманд “Васількі” і “Рамонкі” паказалі веды па гісторыі Беларусі, яе звычаях, роднай мове і літаратуры.
Так прайшоў цудоўны тыдзень радаснага яднання з роднай мовай, з роднымі песнямі, з беларускімі традыцыямі. Напэўна ён не забудзецца доўга, таму што кожны беларус мае за шчасце акунуцца ў цудоўны свет роднага, блізкага, дарагога!
